USAWIRI WA MWANAMUME KATIKA METHALI ZA KIMERU NCHINI KENYA

Abstract

Utafiti huu unahusu uchanganuzi wa usawiri wa mwanamume katika methali za Kimeru. Imebainika kuwa usawiri wa mwanamume katika methali za Kimeru haujawekwa bayana na utafiti wowote. Utafiti huu umebainisha jinsi mwanamume alivyochorwa kitaswira kupitia methali. Jamii ya Wameru ni ya kabila la Kibantu ambalo linaegemea mno upande wa kuumeni. Hivyo, kuna methali nyingi zinazomtaja mwanamume. Nyanja nne kuu za hali za kawaida za maisha katika jamii ya Wameru zimechunguzwa ili kufanikisha utafiti huu. Nyanja hizo ni pamoja na tohara, ndoa, kazi na utawala. Hali hizi nimezichaguwa hususan kwa sababu ndizo nguzo kuu za maisha ya binadamu katika mtazamo wa jamii hii. Utafiti huu uliongozwa na nadharia za ubabeume na uamilifu wa kimuundo. Nadharia tete za utafiti huu ni: methali zinampa mwanamume hadhi ya juu na pia hudhihirisha nafasi na majukumu ya mwanamume katika jamii. Mbinu mbili kuu na muhimu za kukusanyia data zilitumika, nazo ni: mahojiano na udadisi. Jumla ya methali thelathini zilikusanywa, kufasiriwa na kuchanganuliwa kithamano. Ilibainika kuwa mwanamume alipewa majukumu ya kipekee kupitia methali. Matokeo yalipobainika mapendekezo mwafaka yalitolewa.